E organisacionnan no-gubernamental di Aruba ta forma curason di e tereno central social. Sin e aporte di e NGO-nan e trabao di bienestar y trabao social lo ta mustra hopi mas fayo. Hopi NGO tin un tradicion largo caba, pero durante ultimo 10 aña a bin hopi NGO acerca, entre otro riba tereno di combati pobreza, den trabao cu hubentud, den cuido pa hende cu limitacion, etc.
Trece forsa hunto y sigui dilanti hunto.
Loke nos ta haci
Pa CEDE Aruba ta di suma importancia cu e sector bastante amplio di NGO na Aruba ta keda fortifica. Ta pesey CEDE Aruba ta dirigi su mes riba apoyo structural na NGO. Por pensa riba dianan frecuente pa desaroya conocemento orienta riba aspectonan di maneho manera desaroyo di maneho, skirbi documento di proyecto, set up di administracion efectivo, mercadeo efectivo y uzo di social media, etc. Banda di e dianan di conocemento, CEDE Aruba tambe por organisa curso y training pa grupo mas chikito, y tambe trayecto di consultoria poco mas intensivo ta posibel. Pa esaki cada biaha ta contrata experto externo.
Trabou boluntario
Pa via di e necesidad creciente di boluntario den e sector social y cultural, CEDE Aruba lo pone su mes disponibel activamente pa reforsa trabao boluntario di forma flexibel y structural. CEDE Aruba ta apoya fundacionnan cu formulacion di nan mes maneho pa cu nan boluntarionan y ta yuda pensa di ki manera por yega na boluntario y keda cu nan. Haya bon miembro di directiva den esaki lo ta un tema importante. E apoyo por ta por medio di proyecto y trayecto di consultoria mas chikito.
Desaroyo di organisacion
Fortifica y desaroya organisacion pa CEDE Aruba ta hopi importante. CEDE Aruba pesey ta apoya proyecto cu ta orienta riba ‘gobernacion’, calculacion di costo, descripcion di producto, desaroyo di proyecto y mercadeo innovativo. Banda di esaki CEDE Aruba ta na fabor cu NGO ta organisa nan mes mihor den consulta cu otro y ta cuminsa conhuntamente un dialogo cu gobernacion. E fundacion di e entidad di colaboracion FUNDECO, facilita pa CEDE Aruba, pa e motibo aki tabata un paso hopi importante. CEDE Aruba ta keda ofrece conseho y apoyo na FUNDECO.
Recaudacion di fondo
CEDE Aruba den e proximo 5 aña lo tuma accion y asisti NGO mas activamente den recaudacion di fondo. Entre otro CEDE Aruba ta desea di amplia su propio red di fondo y haci miho uzo di fondo disponibel dentro di Reino. Den esaki CEDE Aruba lo tin un papel di intermediacion y conseho. Banda di esaki, CEDE Aruba lo ofrece apoyo pa logra miho strategia pa cu recaudacion di fondo na Aruba. Importante den esaki ta pa haya miho bista riba uzo di placa y realmente logra resultado.
