Vibes 4 Youth

CEDE Aruba y ATHA cu VIBES 4 YOUTH ta duna un impulso pa mas diversidad, reto y  calidad dentro di e oferta recreativo pa mucha den edad di 4-12 aña. Na e momento aki e enfoke ta riba programa di vakantie y di centro di bario, pero e meta ta pa alcansa tur organisacion recreativo na Aruba cu enfasis riba e gruponan cu den sentido social–economico ta mas debil. VIBES 4 YOUTH ta ofrece anualmente un gran cantidad di curso pa lider recreativo, lider di campamento y coach deportivo pa trece mas variacion den nan programa. Palabranan clave ta variacion, creatividad, cultura y sorpresa. Banda di esey e cursonan tambe ta orienta riba e habilidadnan pedagogico di e participantenan, di tal manera cu e calidad di e programa ta mehora.

Aruba Doet

CEDE Aruba ta organisa den colaboracion cu Oranje Fonds tur aña e accion mas grandi di boluntario na Aruba: ARUBA DOET. Bao di e nombernan NL DOET (Hulanda), ARUBA DOET (Aruba), CURA DOET (Curaçao), BON DOET (Bonaire), STATIA DOET (Sint Eustatius) en SXM DOET (Sint Maarten), seis iniciativa ta pone contribucion boluntario den spotlight.

Durante un fin di siman den maart ta stimula henter comunidad di Aruba pa saca man yuda durante un dia o parti di dia pa un di e numeroso iniciativanan na Aruba, entre nan organisacion social, scol, club di deporte centro di bario etc. Den esaki miles di hende ta yega hunto.

Pa mas informacion bo por acudi na  www.arubadoet.com.

Feria Social

E proyecto FERIA SOCIAL ta un proyecto pa hoben unda participacion y liderazgo ta primordial. Durante un periodo minimo di tres luna, FERIA SOCIAL ta crea un conexion valioso entre hoben (15-23 aña) y e NGO-nan local na Aruba.

CEDE Aruba ta organisa FERIA SOCIAL pasobra e hobennan tin gana di contribui na comunidad, pero den hopi caso nan no tin un posibilidad concreto pa haci esaki of nan no sa unda pa cuminsa. E proyecto FERIA SOCIAL ta crea un manera nobo pa hoben pa bira mas envolvi den comunidad. Durante FERIA SOCIAL e hobennan lo keda acopla na un di e NGO-nan unda nan ta haya oportunidad pa participa completamente den un proyecto specifico na beneficio di e NGO y naturalmente tambe di e hobennan.

Pa mas informacion bo por acudi na www.feriasocialaruba.org.

Aruba Volunteers

Fundacion y asociacionnan tin un necesidad pa alcansa na un manera simpel boluntario y incorpora esakinan den nan trabao na un manera flexibel. Banda di esey tambe hopi biaha nan ta buscando miembro di directiva y bolunatrio permanente. E proyecto ARUBA DOET a demostra caba cu un website por ta stimulante pa crea un brug entre organisacion y comunidad. E proyecto Aruba Volunteers na emomento aki ta den desaroyo y lo ser lansa na 2017.

Community Guide

E guia pa comunidad ta un iniciativa nobo di CEDE Aruba den colaboracion cu diferente partner. E proyecto ta bira un guia y search portal online pa trece comunidad miho den contacto cu tur organisacion cu ta haci un esfuerso pa promove bienestar. E guia comunitario lo refleha e oferta conhunto den e siguiente sectornan di un manera cla y bon visibel:

  • Ayudo social y vivienda
  • Trabao den bario
  • Arte & cultura
  • Medio ambiente & animal
  • Enseñansa & educacion
  • Trabao & entrada
  • Deporte & recreacion
  • Salud & cuido

Den e guia comunitario bo ta haya tur informacion general importante cu bo por pensa di tin mester y por sirbi como e prome search engine. E guia comunitario lo ta online desde mita di januari 2017.

Pa mas informacion bo por acudi na www.org.aw