Nieuws

Un anochi yena cu ambiente pa gradici boluntarionan di aña 2018

By februari 13, 2019 No Comments

Un anochi yena cu ambiente pa gradici boluntarionan di aña 2018

Recientemente na New Chinese Club a tuma lugar e di dos edicion di “Volunteer of the

Year Award Ceremony”: VOTY2018. Un total di 73 boluntario a wordo galardona pa nan

organisacion.

Organisacionnan cu ta forma parti de e Guia Comunitario ‘ORG.aw’ por a nombra nan

boluntario cu a destaca na aña 2018. E obsekio a wordo traha dor di e proyecto ‘Plactic Beach

Party’. E obsekio aki ta exclusivo y a wordo traha for di plastic cu a wordo colecta durante

varios accion di limpiesa riba nos beachnan na Aruba. Organisacionnan tambe a ricibi un award

cu nomber di su boluntario pa e por colga riba nan wall of fame.

Minister di Asuntonan Social, Sr. Glenbert Croes a presencia henter e anochi aki hunto cu CEDE Aruba dunando atencion na e trabao di boluntarismo na Aruba.

E ambiente durante e anochi aki tabata sumamente positivo. E boluntarionan di aña 2018 y nan

organisacion a keda hopi contento cu nan reconocimento. Entretenimento tabata bao encargo

di Maickey Oliva (Campo) y tambe presentacion di Mimes di Popcorn Dancers, Edjean

Semeleer, comico Randy Ras y poeta Yakari Gabriel.

Durante e apertura di e evento e directiva di CEDE Aruba y e Minister di Asuntonan Social a

enfatisa cu e contribucion di boluntarionan na Aruba ta impagabel. Aruba lo no por funciona si

no tin e aporte di un cantidad grandi di boluntarionan cu ta yuda gran cantidad di organisacionnan. CEDE Aruba ta promove trabou di boluntarismo den nos comunidad. Esaki ta

pasa tambe den e mesun forma cu e exitoso evento anual “ArubaDoet”, tin hopi hende cu ta

desea pa duna bek na comunidad.

Durante henter e anochi fundacion Trampolin pa trabao, por medio di su clientenan a un duna

un servicio di F & B den un forma fabuloso. CEDE Aruba tambe kier gradici Papiamento Restaurant, The Mill Resorts, La Trattoria el Farro Blanco y Aruba Aloe cu a contribui e bunita ‘doorprizes’ pa e publico di e evento. Cuminsa for di awor y mira bon ken ta esun boluntario cu lo bo kier reconoce. Esnan cu ta desea pa participa na e Volunteer of the Year 2019, por registra nan organisacion riba Guia Comunitario ORG.aw. Unabes bo ta inscribi bo ta ricibi invitacion automaticamente pa siguiente edicion di VOTY Awards.

Pa mas informacion por tuma contacto cu Yolanda Richardson-Smit na CEDE Aruba via

info@org.aw of 582-7666.