Integracion, participacion y cuido na midi.

Sondeo y investigacion encuanto necesidad ta mustra cu hende cu limitacion entre 18- 59 aña tin un necesidad comun, cual ta pa mehora nan standard di bida y bay traha. Un otro prioridad ta un aumento di nan contacto y interaccion social cu otro persona. Tambe tin necesidad di medio auxiliar tecnico specialisa y apoyo  na midi den sentido amplio di e palabra. Mas di 25% di e mucha y adultonan cu limitacion tin mester di ayudo riba tereno di necesidad diario general manera trabao di cas, cushina, haci compra y cuido personal.

Hopi mucha y adulto cu limitacion tin di atende cu exclusion social, isolacion y un falta di cuido specifico. Principalmente hende cu un limitacion intelectual tin un riesgo aumenta pa abuso.

Loke nos ta haci

Den e area di trabao persona cu limitacion CEDE Aruba ta apoya iniciativa cu ta orienta riba integracion, participacion y cuido na midi.

Integracion & participacion
  • Conscientisacion general pa cu persona cu limitacion
  • Stimula accesibilidad publico
  • Actividad durante dia (integrativo) pa mucha cu limitacion
  • Participacion den mercado laboral y ‘sociale werkplaats’
  • Apoyo pa cu transporte y red di transporte
Cuido na midi
  • Duna informacion specialisa y orienta specificamente riba grupo di enfoke
  • Apoyo na esnan cu ta duna cuido personal directo den regla y planifica e cuido
  • Servicio di apoyo manera ayudo na cas, entrega di cuminda, servicio di ‘handyman’ y apoyo administrativo
  • Atencion (durante dia) pa diferente grupo di enfoke
  • Reforsa guia intensivo na cas di persona cu un background psikiatrico
  • Stimula biba independiente o biba den grupo.