E bario ta determina e direccion!

Pa CEDE Aruba ta importante pa stimula un dinamica entre hende den diferente bario y e comunidad completo. E barionan ta e lugar den comunidad unda bida ta tuma lugar di berdad. Esey ta e lugar unda hende ta topa tur dia na un manera comodo y natural. Bario tin den diferente sorto y tamaño, di bario cu a keda atras te na bario di luho

Loke nos ta haci

Den cuadro di e tema Bario & Comunidad CEDE Aruba ta desea di orienta su mes, entre otro riba estimulo di centro di bario, apoyo na actividad pa diferente grupo meta den bario y e conexion di barionan un poco mas isola cu e totalidad. Te awe falta un programacion amplio di actividad, mas envolvimento (boluntario) den centro di bario y envolvimento den bario chikito atencion special (vivienda popular). E prioridadnan den e area di trabao Bario & Comunidad ta:

Centro di bario

CEDE Aruba lo apoya e desaroyo di e centronan di bario durante e proximo cinco aña di manera masha specifico. E punto di salida ta pa fortifica tur centro di bario di tal manera cu lo tin un oferta riba mesun nivel di actividad den serie y programa pa tur grupo meta, carga tambe pa boluntario di nan vecindario directo. E centronan di bario mester bira, banda di e publico en general, un punto di encuentro pa grupo di bario mas chikito. Pesey ta importante fortifica e centronan di bario na nivel di gerencia y di personal y cu e facilidadnan, pareu cu un programa social-cultural, lo bira mas atractivo pa diferente grupo meta den e vecindario. Atrae y apoya boluntario tambe ta un tema importante. Centro di bario por haya financiamento pa parti di nan programa anual y pa actividad separa.

Iniciativa di bario

Den e añanan cu ta bin, CEDE Aruba lo duna mas apoyo na iniciativa chikito di bario, grupo di accion y agrupacion nan social. E apoyo lo ta dirigi na fortifica e capacidad di e propio organisacion y adapta mas tanto posibel na pasion y habilidad di habitante di bario. E iniciativanan di bario despues lo haya apoyo financiero den forma di budget. E budgetnan chikito aki por uza pa actividad cu ta orienta riba informacion encuanto salud, mehoracion di bario, accion di limpieza, workshop educativo riba diferente tereno di bida, actividad dirigi na seguridad den bario y organisacion di ‘events’ social chikito. E condicionnan di CEDE ta cu tin un grupo permanente, participacion palpabel di e bario y cu nan sa maneha placa responsablemente.

Programa di vacacion

CEDE Aruba ta ofrece anualmente apoyo financiero na mas di 20 vakantiekamp. Mayoria di campamento ta orienta riba mucha entre 5 y 14 aña. Tin poco vakantiekamp pa hoben disponibel, ta pesey CEDE Aruba den e proximo añanan kier stimula cu ta bin un ampliacion den e programanan di vacacion. Un organisacion por haya apoyo pa gasto di localidad y di programa. Un variacion saludabel den e programanan ta ser aprecia. E condicionnan di CEDE Aruba ta cu ta entrega un programa solido y un presupuesto cu ta duna claridad. Organisacion nobo mester proba prome nan experiencia den organisa campamento. Esnan nobo por participa den e trainingnan anual di Vibes for Youth, un programa di estimulo orienta riba lider boluntario y recreativo.