Tur hende merece un (di dos) oportunidad!
E diferente gruponan vulnerabel semper ta haya atencion extra dentro di e maneho di CEDE Aruba. Hopi biaha ta trata aki di grupo cu pa un of otro motibo no por participa na bida social. Nan ta grupo cu mester un (di dos) oportunidad pa logra yega na un miho posicion. Por pensa den esaki di diferente grupo di riesgo den nos comunidad, manera ex-detenido, drop out di scol, mayor teenager, hende cu problema di adiccion, y migrante.
Mayor Teenager
Pa e grupo meta mayor teenager CEDE Aruba ta apoya proyecto cu ta orienta riba:
- Guia pa grupo orienta riba educacion sexual, capacidad di resistencia y formacion di relacion sano
- Apoyo den educacion, cuido y guia pa mayor (teenager)
- Proyecto pa mentor cu rol model/mentor social boluntario
- Ayudo di crisis y/o proyecto di vivienda cu guia pa mama teenager y yiu
- Trayecto di formacion cu ayudo special pa mucha
Adicto
Pa e grupo meta adicto CEDE Aruba ta apoya proyecto cu ta orienta riba:
- Señala tempran den e proceso hoben cu un riesgo pa uzo di droga
- Ayudo y asistencia, guia y tratamento despues di scol pa uzado mas hoben
- Acompañamento ambulante pa uzado y famia
- Ayudo y asistencia pa hende muhe dentro di cuido pa adicto
- Ayudo y asistencia pa adicto cu multiple problema
Migrante
Pa e grupo meta migrante CEDE Aruba ta apoya proyecto cu ta orienta riba:
- Conscientisacion encuanto importancia di comunicacion intercultural
- Oferta di apoyo educativo orienta riba participacion di migrante
- Adaptacion di ayudo na migrante na comunicacion entre cultura
- Stimula trayecto di educacion y guia den scoge trayecto di educacion a base di conocemento adkiri anteriormente (EVC: eerder Verworven Competenties)
Victima di violencia y abuso domestico
Pa e grupo meta victima di violencia y abuso domestico CEDE Aruba ta apoya proyecto cu ta orienta riba:
- Evita cu ta haya violencia algo normal
- Señala y raporta maltrato (di mucha), descuido y violencia domestico y abuso sexual
- Promove cuido integral y un colaboracion estrecho entre tur e actornan
- Promocion di experticio orienta riba reconoce señal di maltrato, abuso y descuido
- Ayudo y guia pa victima di maltrato y abuso
- Ayudo na autor (di delito) den colaboracion cu diferente organisacion
- Independencia economico di hende muhe cu ta den un relacion di dependencia.
Otro grupo di riesgo
Pa otro grupo di riesgo CEDE Aruba ta apoya proyecto cu ta orienta riba:
- Trayecto di educacion y guia den scoge trayecto di educacion
- Training pa re-educacion/reciclahe y proyecto di siña y traha
- Proyecto pa mentor cu rol model/mentor social boluntario pa hoben cu un pasado hudicial
- Proyecto y programa orienta riba rehabilitacion y re-integracion, y
- Evita reincidencia di ‘First offenders’, y delincuente (hoben)
- Stimula training den institucion residencial cu e meta di re-integracion den comunidad.
