Famia ta e piedra angular di nos comunidad!? E structuranan familiar a cambia considerablemente durante e ultimo decadanan, entre otro pa motibo di e aumento di divorcio y migracion. Mientras tanto ta papia di diferente tipo di famia, por ehemplo e famia clasico, e famia extendi, e famia di un solo mayor, e famia di criansa y e famia mixto. Tambe e ‘blended family’ cu ta aumentando. Famia ta haya mas y mas presion y cada biaha ta menos capaz pa ehecuta nan funcion di cuido.
Hende fuerte, famia fuerte!
Loke nos ta haci
Den e area di individuo & famia CEDE Aruba ta apoya iniciativa cu ta orienta riba fortifica e posicion economico di famia, creacion di un oferta di ayudo coherente pa mayor y educador y reforsa/alivia e cuido familiar. Educacion pa adulto y realisacion di bo mes como persona ta hunga un papel importante den esaki. E prioridadnan den e area di trabao individuo & famia ta:
Bienestar Economico
Riba tereno di bienestar economico CEDE Aruba ta apoya proyecto cu ta orienta riba:
- Educacion encuanto actitud/postura y habilidadnan financiero
- Educacion di consumidor y derecho di consumidor
- Proyecto di colaboracion dentro di cuido pa cu pobreza (cuminda, paña, mueble, etc.)
- Stimula entrada y re-entrada den mercado laboral y trabao mas socialmente orienta
- Ayudo integral pa cu debe, maneho di budget y guia encuanto budget
- Ayudo di crisis pa famia y individuo cu temporalmente no tin un dak riba nan cabes
- Empresario independiente pa hende cu ta den bijstand y cu un entrada abao
Relacion familiar
Riba tereno di relacion familiar CEDE Aruba ta apoya proyecto cu ta orienta riba:
- Informacion y apoyo educativo di corto duracion y conseho na mayor
- Training y conseho na mayor cu yiu cu tin necesidad special di guia
- Involucra tata den educacion di nan yiunan
- Maneho preventivo di famia cu riesgo y cu problematica di mayor-yiu
- Curso y intervencion orienta riba formacion sano di relacion y relacion familiar stabiel
- Proyecto orienta riba participacion di mayor den enseñanza
- Intervencion orienta riba mayor (di criansa) cu peticion pa ayudo specifico
- Proyecto pa mentor orienta riba fortifica e red social
Cuido Familiar
Riba tereno di cuido familiar CEDE Aruba ta apoya proyecto cu ta orienta riba:
- Educacion publico ampliamente accesibel tocante importancia di duna cuido no profesional (mantelzorg)
- Informacion, training, guia y apoyo na persona cu ta duna cuido den ambiente personal directo
- Fortificacion di rednan informal; activacion di un red social y di bario (di boluntario)
- Substitucion den cuido, cuido pa reemplasa y alivia e dunado di cuido no profesional
- Bishita na cas pa acompaña, contacto social, movemento y capacidad pa yuda su mes
- Proyecto pa crea ‘buddies’ (Maatjesprojecten: hende di edad vital ta topa cu hende di edad vulnerabel)
