Mucha y hoben ta forma e generacion di futuro. Den e cuadro aki ta importante pa stimula un desaroyo positivo mas tempran posibel pa evita of alivia problema. Hopi mucha y hoben ta lanta den un famia di un solo mayor, hopi biaha pasobra nan mayornan ta divorcia of separa. Retonan ta entre otro problema di conducta, sobrepeso, (cyber)termento, ‘boredom’, falta di supervision di mayor despues di scol y mal prestacion na scol cu consecuencia di drop out.
E generacion nobo
Loke nos ta haci
Den e area di trabao mucha & hoben CEDE Aruba ta apoya proyecto cu ta orienta riba stimula desaroyo di tempran desde concepcion te cu 6 aña. Banda di esey CEDE Aruba ta desea di dedica hopi atencion durante e proximo cinco aña na e grupo meta di mucha y hoben entre 6 y 18 aña, en special e hobennan. Nos prioridadnan den e area di trabao di mucha & hoben ta:
Desaroyo tempran
Riba tereno di desaroyo tempran CEDE Aruba proyecto cu ta orienta riba:
- Stimulacion tempran di desaroyo social-emocional
- Actividad orienta riba prevencion anticipa
- Detecta tempran caba cierto trastorno specifico
- Ayudo (semi)residencial y proyecto di ayudo alternativo pa mucha cu riesgo particular
- Ayudo y guia pa mucha cu limitacion fisico o intelectual y/o enfermedad cronico.
Capacidad di resistencia y desaroyo personal
Riba e tereno di capacidad di resistencia y desaroyo personal CEDE Aruba ta apoya proyecto orienta riba:
- Promove habilidad social y educacion di caracter
- Educacion sexual y capacidad di resistencia
- Formacion di relacion y formacion responsabel di famia
- Stimula ‘empowerment’, ‘leadership’ y participacion di hoben
- ‘Service Learning’ y stage social
- Structura alternativo di ayudo na hoben (‘sleutelkinderen’: mucha cu yabi di cas)
- Proyecto cu musica, arte, teatro, baile o deporte como medio pa cambio di actitud.
- Proyecto pa mentor cu rol model/mentor social (boluntario).
- Evita drop out of guia pa yega na enseñansa adecuado.
- Desaroyo di metodo dentro di ayudo/ayudo (semi) residencial na hoben.
