Aruba ta envehece y no ta tur hende ta experimenta un behes placentero. Tin diferente tendencia y desaroyo preocupante cu ta pone presion grandi riba bienestar di un parti di e poblacion di edad y cu esey tambe riba e cuido pa persona di edad (envehecimiento avansando, problematica di demencia aumentando, enfermedad cronico, limitacion fisico y un falta di capacidad di admision di e casnan di cuido pa anciano y general). Pa motibo di esey importancia di cuido no profesional y di boluntario pa persona di edad ta aumenta fuertemente . Na mesun momento esnan cu ta duna cuido no profesional y e boluntario falta hopi biaha e conocemento, red di comunicacion y habilidad pa por absorbe e presion cu ta aumentando.
Banda di esey tambe ta existi e necesidad di un oferta mas amplio di actividad educativo y recreativo pa persona di edad. Na mes momento mas di 50% di tur persona di edad riba 60 aña ta indica cu gustosamente nan lo ta desea di contribui na comunidad, entre otro personanan di edad kier nifica algo pa hubentud.
